வந்தாச்சு புதிய மாடல் ஆப்பிள் 16 சீரிஸ் ஐபோன்கள் , ‛‛ஸ்மார்ட்” வாட்சுகள்…
வாஷிங்டன்: ஆப்பிள் நிறுவனம் தனது நவீன தொழில்நுட்ப ஐபோன் 16 சீரிஸ் மாடல்கள், ஸ்மார்ட் வாட்சு மாடல்களை நேற்று அறிமுகப்படுத்தியது .
முன்னணி நிறுவனமான ஆப்பிள் தனது ஸ்மார்ட் போன் சீரிஸ் 16 , கம்ப்யூட்டர், மற்றும் ஐபோன்கள், ஸ்மார்ட் வாட்சுகள் ஆகியவற்றின் தயாரிப்புகளை ஆண்டு தோறும் செப்டம்பரில் அறிமுகம் செய்து வருகிறது. இதன் நிகழ்வுகள் நேரடியாக ஒளிபரப்பு செய்யப்படும்.
இதன்படி நேற்று அமெரிக்காவின் கலிபோர்னியாவின் குபெர்டினோவில் உள்ள நிறுவனத்தின் தலைமையகத்தில் ஆப்பிள் நிறுவன தயாரிப்புகள் அறிமுக நிகழ்வு நடைபெற்றது.
கடந்தாண்டு இதே இடத்தில் ஐபோன் 15 சீரிஸ் மாடல்கள் அறிமுகமாயின. இந்தாண்டு இந்நிகழ்வில் ஏ.ஐ. எனப்படும் செயற்கை நுண்ணறிவு தொழில்நுட்பத்துடன் கூடிய ஐபோன் 16, சீரிஸ், மாடல்கள், மற்றும் நவீன தொழில்நுட்பத்துடன் கூடிய 10 மாடல்களில் ‛‛ஸ்மார்ட் வாட்ச்”கள் என பல்வேறு மாடல்களை அறிமுகப்படுத்தியது.
