திருச்சி மத்திய மாவட்ட திமுக சார்பில் அண்ணா சிலைக்கு மாலை மாவட்ட செயலாளர் வைரமணி அழைப்பு.
திருச்சி மத்திய மாவட்ட திமுக செயலாளர் வழக்கறிஞர் வைரமணி வெளியிட்டுள்ள அறிக்கையில் கூறியிருப்பதாவது:
திமுகழகத்தின் நிறுவனரும், முன்னாள் முதலமைச்சருமான மறைந்த பேரறிஞர் அண்ணாவின்ன் 116 -வது பிறந்தநாளை முன்னிட்டு திருச்சி மத்திய மாவட்ட திமுக சார்பில் அவரது பிறந்தநாளான நாளை (ஞாயிற்றுக்கிழமை) காலை 8 மணியளவில் திருச்சி கலைஞர் அறிவாலயத்தில் உள்ள அவரது உருவச்சிலைக்கு கழக முதன்மை செயலாளரும், நகராட்சி நிர்வாக துறை அமைச்சருமான கே.என்.நேரு வழிகாட்டுதலின்படி மத்திய மாவட்ட செயலாளர் க.வைரமணி தலைமையிலும், மாநகர செயலாளர் மு.அன்பழகன் முன்னிலையிலும் மாலை அணிவித்து மரியாதை செலுத்தப்படுகிறது.
இந்நிகழ்ச்சியில் திருச்சி மத்திய மாவட்ட, மாநகர, அனைத்து ஒன்றிய, நகர, பகுதி, பேரூர், கிளை கழக நிர்வாகிகள், முன்னாள், இந்நாள் நாடாளுமன்ற, சட்டமன்ற உறுப்பினர்கள் தலைமைசெயற்குழு, பொதுக்குழு உறுப்பினர்கள், உள்ளாட்சி மன்ற பிரதிநிதிகள், அனைத்து அணிகளின் பொறுப்பளர்கள் கழக முன்னோடிகள், செயல் வீரர்கள் அனைவரும் தவறாது கலந்துகொண்டு மறைந்த பேரறிஞர் அண்ணா அவர்களை நினைவுகூர்ந்து மரியாதை செலுத்திடவேண்டுகிறேன்.
இவ்வாறு அவர் அந்த அறிக்கையில் கூறியுள்ளார்.
